Saturday, October 18, 2008

الرد على الاسئلة 1

اسف على التاخير جدا يا جماعة بقالي كتير مش كتبت هنا او شرحت حاجة
و انا بعتذرتاني عن التاخير
المهم الموضوع او البوست النهاردة هيكون للرد على الاسئلة
و إن شاء الله البوست الجاي هيكون موضوع معين استكمالا لموضوعاتنا
---------------
كان اول سؤال عندنا استاذنا الاستاذ
عادل امين قهوة ادم

صباح الفل ياعم شمس
طيب ياعمنا ده بالنسبه لمدونات مكتوب يتم ازاااااااااااى
بالمناسبه راجع من معاكم بقول للحاجه
زملينى زملينى دثرينى دثرين
استاذنا الغالي هيكون الموضوع الجاي شامل عن مدونات مكتوب ان شاء الله او البوست القادم بإذن الله
----------------
نرجع للاخت الغالية
دنــــيــــــا مـحـيـرانـي

بجد مش عارفه اقولك ايه برافو برافو ده انا دخت الف دوخه عشان اعرف الطريقه ديه بجد شكرا جدا شكرا و ياريت يا شمس دائما تفيدنا بالحاجات الجديده الاي نقدر نعملها علي المدونه
زي مثلا ازي نضيف فيديو علي البوست و علي المدونه ؟؟؟
و سؤال كمان ازي اقدر اضيف اغنيه جو البوست نفسه؟؟؟
وممكن نعمل لسته بلاغاني علي المدونه يعني لا نكتفي باغنيه واحده نضيف 2 او ؟؟؟؟3 لسته يعني
ياريت تعلمني لو سمحت و ربنا يجزيك خيرا عنا
تحياتي يا استاذ المدونات

سؤالك اتسئل قبل كدة كتير راجعي المدونة في البوستات السابقة
-----------------------
أنا إنسان

جزا ك الله خيرا على المدونه دي
بس ليا سؤال
ازاي اعمل الويندو اللي مكتوب فيها الكود
يعني انا عامل بنرات لحمله اخلاقنا اسلامنا
وعايز اللي يدخل ينسخ اللكود ويحطه في مدونته
الشباك بقى اللي فيه الكود بيتحط
بيتعمل ازاي؟؟؟؟؟؟؟؟؟؟
أرجو الرد
وجزاك الله خير


اخي الغالي بتضع الكود التالي
textarea

كما تعودنا في الدرس الاول
يمكنك ابدال
h1
بـــ
textarea
--------------------------

mohammed rashed

السلام عليكم ورحمة الله وبركاته
بص ياسيدى أنا ليا عدة أسئلة
خد عندك البانرات إللى بتتحط فى الجنب دى بتتحط إزاااااااااى
وإزاااى كمان تفصل بين الأماكن بتاعة الليننكات
بمعنى زى عندك على مدونتك كده كاتب شوية ليناكت وكاتب عليهم مديهم زدنى وشوية لينكات كمان كاتب عليهم عرفتهم وعرفونى وكده يعنى
وكمان البانر إللى إنت عامله وحاطه أول حاجة فى المدونة من فوق ده برضو بيتعمل إزاااى أما أعرف دوول إن شاء الله اقولك غ
يرهم
وياري بإيجاز للى مش مشترك فى مدونات أصلا يعمل مدونة إزاااااااى
مش مشترك ولا مرةوإزاى يعمل إيميل على جوجل
أى خدمة ياسيدى
سلام

اخي الغالي كما عرفنا كيف نصل الي

add Gedget

نضغط

blog list

ثم

addblog list

اما عن سؤال في كيفية عمل بانر

يمكنك نقل الكود من جانب المدونة و تغيير العنوان المستهدف

بعد

href="

بالعنوان الخاص بك

و تغيير عنوان الصورة بعد

src="

بعنوان الصورة الخاصة بك على الانترنت و لاحظ يجب ان تكون الصورة موجودة على الانترنت فإن كانت على الجهاو الخاص بك ارفعها على اي من مواقع الرفع

و ضع الود في

add html code

من قائمة

add Gedget

اتمنى اكون اجابتك اسر عاجابة في الدنيا

--------------------------

ان شاء الله نوعدكم نكمل اجابات الاسئلة البوست القادم و مش هغيب عتكم
-------------------------



مع تحياتي
-------------
شمس الزناتي
--------------

Thursday, January 31, 2008

بخصوص الاغاني في المدونات تاني

طبعا وصلني يا جماعة كذا استسار بخصوص وضع الاغاني في المدونات لذلك انا هوضع الموضوع خطوة خطوة بالصور
طبعا بعد الدخول الي مدونتك



زي ما احنا شايفين في الصورة بيظهر اسم مدونتك و اسفلها على اليمين كلمة
layout
نقوم بالضغط عليها
لنصل الي الصفحة التالية

زي ما احنا شايفن الصفحة بتتفتح قدامنا فيها قالب المدونة

نضغط على

add page element

ليظهر لنا التالي

و زي ما احنا موضحين في الصورة مكان وضح الكود فين بالظبط

------------------------------------

نتكلم بقى عن الكود نفسة
الكود و هو كالتالي

طبعا انا هناخد الكود كما هو نسخ و نضعة في الجزء اللي وضحناه

طبعا الكود اللي حضراتكوا نقلتوه دة هو كود لتشغيل اغنية لحسين الجسمي و هي بحبك وحشتيني

طب لو حضرتك عايز تغير الاغنية هتعمل اية

هتيجي بعد كلمة

scr="

و تبدأ بحذف الجزء الاتي

http://song.6arab.com/hussain_Bahebk-Wa7shtene.ram

طيب و بعد ما تشيل الجزء دة هتعمل اية هتجيب لنك الاغنية اللي انت عايز تشغلها

طب ازاي يا عم شمس

اقلك يا سيدي انت تدخل الموقع دة

http://www.6arab.com/

او اي موقع اغاني اخر

و تختار المطرب اللي تحبة و الاغاني بتاعته كما في الصورة



زي ما احنا شيفين الاغاني قدامنا هنيجي على اي اسم اغنية و نظغط بالماوس

right click = كلك يمين

زي ما احنا شايفين بنضغط على اخر اختيار ليظهر لنا الصورة الاتية

Wednesday, January 23, 2008

الدرس الثاني -وضع الملتيميديا في المدونة

معلش بقى يا جماعة انا اسف على الغياب بس انتوا شايفين اللي بيحصل و احداث غزة و المظاهرات بس الحمد لله على كل شئ

المهم احنا هنبدأ في درس النهاردة و هو عن الملتيمديا و على فكرة يا جماعة قبل ما نبدأ درسنا انا عايز انوه ان مدونات بلوجرز دعمت للمستخدم اللغة العربية بس احنا هنكمل شرح على اللغة الانجليزية زي ما احنا
---------------------------
المدونين الكرام يا جماعة اللي بيسئلوا عن الفيس بوك ياريت نحدد نوع الاستفسار عشان السؤال مش يبقى عايم زي ما تكون بتسألني عن سلبيات الحكومة المصرية هنشد للصبح طبعا و عشان انا معنديش وقت انشد للصبح في الفيس بوك فياريت نحدد اسئلتنا رجاءا
درس النهاردة يا جماعة هيكون عن الملتيمديا يعني زي ما سئل المدون المغترب

عن كيفية وضع اغاني بالمدونة او فيديو في المدونة
طبعا زي ما عرفنا الدرس اللي فات عشان مش هقول الملحوظة دي تاني
ان احنا هنضع كود
كلمة هنضع كود معناها

ادخل الي مدونتك
الي صفحة
Layout=Template
اضغط
add page element
ثم
add html code

و نيجي بقى نقول يا تري حضرتك هتحط اية في المدونة
هتقي اغنية يبقى لازم نفرق ما بين الاغاني ريال يعني بامتداد

ram أو rm
و ما بين اغاني

Mp3

طبعا لهذه كود و لهذه كود
( ram ) بالنسبة لاغاني الريال



طبعا زي ما احنا شايفين كلمة
src

و بعدها كتبنا علامة يساوي ثم بين علامتي التنصيص لنك الاغنية او رابط الاغنية

و طبعا دة هيكون الكود لو كانت الاغنية ام بي ثلاثة يعني ام بي ثري

و هكرر تاني زي ما احنا شايفين كلمة
src
و بعدها كتبنا علامة يساوي ثم بين علامتي التنصيص لنك الاغنية او رابط الاغنية

طبعا يا جماعة الكود دة زي ما بيمشي على اغنية في ال
side bar
اللي هو العمود اللي على يميني دة
بيمشي كمان في كتابة اي بوست
تعالي بس سعادتك و انت بتكتب البوست عند مطرح الاغنية و اضغط
Edit Html

و اخبط الكود تطلع الاغنية في البوست ( الحمد لله لا سحر و لا شعوذة ) حبتين تهريج
ملحوظة مهمة : يجي واحد نفسه يرخم علية اسئلة و يقلي طب انا عايز احط اغنية من على جهازي ( اصل خلاص اغاني النت خلصت ) حاجة غريبة
لا مفيش رخامة و لا حاجة اسئلو براحتكوا انا بهزر
الاجابة هقول لحضرتك تتوجه لهذا الموقع
http://www.raffe3.com/
تضغط كلمة
brows
تجيب الاغنية من الجهاز ثم تضغط كلمة
upload
تستني لحظات تلاقي رابط الاغنية قدامك و طبعا نبقى عارفين امتداد الاغنية عشان نعرف هنستخدم اي كود من الاتنين السابقين
-------------------
هنيجي بقى و نسأل نفسنا تاني طب ماذا لو هنضع فيديو تروح حضرتك موقع
www.youtube.com
او
www.metacafe.com/
تمام يا جماعة و ترفع الفيديو بتاعك على احد هاذين الموقعين طبعا لازم تكون عامل حساب في الموقع
بعد ما ترفع الفيديو هتلاقي الموقع نفسة مديك كود كما هو موضح بالصورة

هتاخد الكود و زي ما اتفقنا هتحط الكود في البوست بعد ضغط
Edit Html
و في هذه الحالة الفيديو هينزل في المدونة كفيديو
طبعا انا الصورة اللي جايبهالكوا من موقع يوتيوب اللي مصر على ميتاكافي يبقى يقلي في التعليق و انا احطله الصورة
درس النهاردة كدة خلص و مستنيين دعوتين حلويين
واحدة ليا
و التانية لاهل غزة

Wednesday, January 16, 2008

البداية و الدرس الاول فتح لنك في نافذة جديدة

بسم الله الرحمن الرحيم


اولا يا جماعة انا متشكر جدا لكل الناس و القراء اللي حبذوا الفكرة و ادوني دفعة للكتابة تاني و بأذن الله هتكون دي بداية عملية جيدة

سياسة المدونة يا جماعة هتمشي على اساس ان كل بوست هيكون فية درس صغير و دة هيكون النص الاول من البوست و النص التاني هتكون اجابة لسؤالين من اسئلة القراء

-----------------------------------
الــــــــــــــــــــــــــبداية

البداية يا جماعة هتكون درس النهاردة بداية بسيطة وهو ان احنا هنقول ان اي بوست احنا بنكتبه على اي مدونة بيكتب بلغة

HTML

و هي اختصار لجمله
Hyper Text Make up Language

و اللغة دي يا جماعة تعتبر بسيطة جدا و مبسطة لو قدرنا نفهمها مع بعض

مبدئيا يا جماعة احنا هنبدأ ببعض الاكواد الخفيفة على امل الاستكمال قريبا
اولا: بالنسبة الي الخط ، حجم الخط في لغة اتش تي ام ال يتراوح بين سته احجام

h1

h2

h3

h4

h5

h6

و يأتي الكود هكذا

و يجب ان نتعلم ان معظم اكواد لغة الاتش تي ام ال تبدأ بالشكل الاتي

<الامر >

و تنتهي

ثانيا : اللنكات او ما يسمي بالارتباط التشعبي او الرابط

و ياتي الامر كالاتي


شكل الامر زي ما احنا شايفين


طبعا اللي هيجي يقول يا بشمهندس طب انا عايز اخلي اللينك يفتح في صحة جديدة

هقلك الامر بسيط

تعالى بعد كتابة اسم الموقع و اضف الجملة

target="_blank"

درس النهاردة كدة خلص و اتمنى منكم الدعاء في ظاهر الغيب بالخير و حسن الخاتمة

اللهم ارزقنا في الدنيا حسنه و في الاخرة حسنة و قنا عذاب النار

-----------------------------------------

نيجي بقى لاسأله الزوار


الرائع احمد الصباغ

كان سئل عن الفيس بوك و كيفية اسنخدامه بس احنا هنأجل السؤال دة للبوست الجاي نتكلم باستفاضة عنه

هنيجي لسؤال الاستاذ حسن مدني

و كان مضمون السؤال عن
عزيزي شمس،في قائمة المدونات المفضلة، تفتح الروابط على نفس النافذة، وتغلق مدونتي لتفتح المدونة الجديدة،كيف أستطيع أن أجعل الرابط تفتح في نافذة جديدة؟؟شكرا

الاجــــــــــــــــــــــــــــــابة

بص يا استاذنا حضرتك تخش على المدونة

ادخل الي مدونتك
الي صفحة
Layout=Template
اضغط
Edit Html
ثم اضغط على المربع الصغير
Expand Widget Templates

ابحث على كلمة

مدونات تستحق المتابعة

(طبعا يا جماعة اي مدون بتختلف تسمية المدونات عنده )

هتلاقي حضرتك الكود كدة بالظبط



هتغير حضرتك الكود كالتالي

اتمنى ان تكون الاجابة وافية و يارب تقدر تستفيد منها

على فكرة بالنسبة لزوار المدونة لو هتخدوا بالكوا انا عملت بانر للمدونة و شرح تركيبة في اليمين بص يمين تلاقية

و الي لقاء اخر و مدونة

اتعلم اتنور

Sunday, January 13, 2008

الافتتاحية

بسم الله الرحمن الرحيم



اولا يا جماعة يمكن كتير من قرائنا اول ما هيشوف شمس الزناتي كاتب البوست دة من مدونة جديدة هيستغرب لكن الاجابة واضحة و هقولها في سطرين الاجابة في عنوان المدونة

اتعلم اتنور

بكل بساطة يا جماعة الي الان بشوف ناس كتير بتسأل في المدونات

ازاي احط اغنية

ازي احط لينك

ازاي ارزع بانر على جنب

طب ممكن حط كلام متحرك

او شريط اخبار

لغاية دلوقتي في ناس نفسها تشترك في الموقع اللي بقى عامل هوسة

الفيس بوك


و مش عارفه

او اشتركت و مش عارفة تتعامل



الجواب يا جماعة ان المدونة دي مدونة تعليمية

يعني حضراتكوا من دلوقتي اللي عندوا اي سؤال هيحطوا في التعليق و كل الاسئلة بعون الله هنجاوب عليها

مش فكاكه عشان انا مش بيل جيتس بس الحمد لله العلم اللي رزقني بيه ربنا هحاول اعمل بية عشان ربنا هيحاسبني علية

هنتظر اسئلتكوا و استفسارتكوا

و لو عايزيني اقفل المدونة عشان الكلام اللي برغي فية دة كلام فاضي ممكن اقفلها و الله بس انتوا قولوا
كنت عايز اقول الاول ملحوظة صغيرة
اتعلم اتنور كان اسم برنامج لمحو الامية على القناة الثالثة انا مش واخد الاسم بالمعني انا واخد اللفظ عشان عجبني


و الي لقاء اخر


-------------------

شمس الزناتي

---------------