Wednesday, January 23, 2008

الدرس الثاني -وضع الملتيميديا في المدونة

معلش بقى يا جماعة انا اسف على الغياب بس انتوا شايفين اللي بيحصل و احداث غزة و المظاهرات بس الحمد لله على كل شئ

المهم احنا هنبدأ في درس النهاردة و هو عن الملتيمديا و على فكرة يا جماعة قبل ما نبدأ درسنا انا عايز انوه ان مدونات بلوجرز دعمت للمستخدم اللغة العربية بس احنا هنكمل شرح على اللغة الانجليزية زي ما احنا
---------------------------
المدونين الكرام يا جماعة اللي بيسئلوا عن الفيس بوك ياريت نحدد نوع الاستفسار عشان السؤال مش يبقى عايم زي ما تكون بتسألني عن سلبيات الحكومة المصرية هنشد للصبح طبعا و عشان انا معنديش وقت انشد للصبح في الفيس بوك فياريت نحدد اسئلتنا رجاءا
درس النهاردة يا جماعة هيكون عن الملتيمديا يعني زي ما سئل المدون المغترب

عن كيفية وضع اغاني بالمدونة او فيديو في المدونة
طبعا زي ما عرفنا الدرس اللي فات عشان مش هقول الملحوظة دي تاني
ان احنا هنضع كود
كلمة هنضع كود معناها

ادخل الي مدونتك
الي صفحة
Layout=Template
اضغط
add page element
ثم
add html code

و نيجي بقى نقول يا تري حضرتك هتحط اية في المدونة
هتقي اغنية يبقى لازم نفرق ما بين الاغاني ريال يعني بامتداد

ram أو rm
و ما بين اغاني

Mp3

طبعا لهذه كود و لهذه كود
( ram ) بالنسبة لاغاني الريال



طبعا زي ما احنا شايفين كلمة
src

و بعدها كتبنا علامة يساوي ثم بين علامتي التنصيص لنك الاغنية او رابط الاغنية

و طبعا دة هيكون الكود لو كانت الاغنية ام بي ثلاثة يعني ام بي ثري

و هكرر تاني زي ما احنا شايفين كلمة
src
و بعدها كتبنا علامة يساوي ثم بين علامتي التنصيص لنك الاغنية او رابط الاغنية

طبعا يا جماعة الكود دة زي ما بيمشي على اغنية في ال
side bar
اللي هو العمود اللي على يميني دة
بيمشي كمان في كتابة اي بوست
تعالي بس سعادتك و انت بتكتب البوست عند مطرح الاغنية و اضغط
Edit Html

و اخبط الكود تطلع الاغنية في البوست ( الحمد لله لا سحر و لا شعوذة ) حبتين تهريج
ملحوظة مهمة : يجي واحد نفسه يرخم علية اسئلة و يقلي طب انا عايز احط اغنية من على جهازي ( اصل خلاص اغاني النت خلصت ) حاجة غريبة
لا مفيش رخامة و لا حاجة اسئلو براحتكوا انا بهزر
الاجابة هقول لحضرتك تتوجه لهذا الموقع
http://www.raffe3.com/
تضغط كلمة
brows
تجيب الاغنية من الجهاز ثم تضغط كلمة
upload
تستني لحظات تلاقي رابط الاغنية قدامك و طبعا نبقى عارفين امتداد الاغنية عشان نعرف هنستخدم اي كود من الاتنين السابقين
-------------------
هنيجي بقى و نسأل نفسنا تاني طب ماذا لو هنضع فيديو تروح حضرتك موقع
www.youtube.com
او
www.metacafe.com/
تمام يا جماعة و ترفع الفيديو بتاعك على احد هاذين الموقعين طبعا لازم تكون عامل حساب في الموقع
بعد ما ترفع الفيديو هتلاقي الموقع نفسة مديك كود كما هو موضح بالصورة

هتاخد الكود و زي ما اتفقنا هتحط الكود في البوست بعد ضغط
Edit Html
و في هذه الحالة الفيديو هينزل في المدونة كفيديو
طبعا انا الصورة اللي جايبهالكوا من موقع يوتيوب اللي مصر على ميتاكافي يبقى يقلي في التعليق و انا احطله الصورة
درس النهاردة كدة خلص و مستنيين دعوتين حلويين
واحدة ليا
و التانية لاهل غزة

19 comments:

appy said...

ميرسى يا شموس الله يكرمك
الحمد لله مفهمتش حاجه يالا ربنا يفتح مخى علشان افهم عادى بقى بس هحاول عارف يا شمس لو المدونة حصل لها حاجه هاجى احتل المدونه بتاعتك

تــــايه ومش تـــايه said...

اللهم انصر اخواننا فى غزة .وربنا يوفقك .وتسلم على المجهود

deja vu said...

مساءك فل يا شس

انا كنت تايهة وانت اللي لقيتني يا شيخ

مشكلة كبيرة اني في مجال يتعامل في معظمه مع الصوت والفيديو ومش عارفة اعمل ايه مع البلوج تبعي .. المهم

انا فهمت الكلام اللي انت كاتبه والله يعطيك العافية

بس في عندي مشكلة

انا عندي اشياء كتير عايزة احملها من جهازي ومش من مواقع تانية خصوصا اني عندي اغاني غير عربية مثلا او كليب اكون انا عاملاه

حملت مرة واحدة من جهازي اخد وقت كبير وبعد كدة قاللي ايرورر وما نزل الكليب

وبعدين حابة احط اغنية في الهووم بيج يعني فين ما تروف في المدونة تلاقي ميوزيك ، دي حتجنن مش عارفة اظبطها ، في مدونات تانية بيكونوا حاطين ايكون لموقع خاص ، رحت هناك بس ما عرفتش غير اني اكون سلطة ورجعت

بتضايق لما بحس اني اجهل امور كهذه

اعمل ايه يا استاذ الاساتيذ؟

انت تستحق كل الدعم على مجهودك ده .. انت تتصدق علينا بعلمك بل وتجاهد بما تقدمه للجميع .. فما تفعله يضعك في قائمة "دينامو الأمة في هذا الزمان"

ما علينا .. لو تركت حالي ممكن اكتب عريضة ههههههههه

انتظر ردك علي

تحياتي لجميع زوارك ايضا

فلسطين said...
This comment has been removed by the author.
امواج said...

عماله احط فى الانيه مش راضيه


مش راضيه



اعمل ايه




هحاااااااااااااااول تانى

امواج said...

بحطها من موقع عرب توب
بدخل على تصفح الريل
واخد اللينك كوبى
واحطه زى مانت قولت

واحطه فى المدونه ومش بيرضى يشتغل برده

دمــ الشموع ــوع said...

جزيل الشكر على موضوعك الرائع وبحد بجد انا استفدت منك بتمنالك كل توفق واكثر الله من امثالك
لكن لى طلب بالنسبة لكود اضافة الاغنية او الموسيقى للصفحة انا باشوف صفحات بتشتغل تلقائى مش عارفة فيه ايه مش بتشتغل الا اذا ضغطنا على زرار تشغيل يا ترى ايه العيب رجاء الرد وشكرا مرة اخرى وبتمنالك دوام التوفيق

سفروتة said...

متشكرة جداااااااااااا

انا بصراحة كنت دايخة جدااااااا

علي سكريبت الاغنية

بس وقعت في المدونة بتاعتك والحمد لله
تمت العملية بنجاح

لك جزيل الشكر

لطيفة said...

السلام عليكم ورحمة الله وبركاته

كود مدونة جيران ماناسب لي مدونتي ببلوج
لجأت لعمنا غوغل..وماافادني في الاول,لكن
اتعلم تنور كانت نوري وبارك الله فيك
على التقنية وعلى التفاصيل الدقيقة..

شكرا لك

Shams Al-Ma7aba said...

شكرا ليك ربنا مايوريك الا كل ماهو خير وسعادة

انا تعبت وطلعت روحي على ماعرفت ازاي اعمل كل ده

شرح جميل ووافي وكأني قدام استاذ واللهي

ربنا يحفظك

سلاام

zahrt_albnfseg said...

السلام عليكم نشكر حضرتك جدااااااااااا شرح هايل وبسيط من حوالى ثلاثه شهور بدور على طريقه وضع موسيقى مش عارفه كانت بتتطلع رساله من الريل بلاير خطا لما زهقت لحد مالقيت مدونت حضرتك اشكرك...

ghorBty said...

جزاك الله خيرا

بس مش عارفه الحقيقه احط الكود فين بالضبط ممكن توضح اكثر
جهل مؤكد بس بجرب ومش عارفه

فراشة said...

بصراحه الموقع اللى ادخله عشان ادخل اغنية من جهازى مش شغال
ياريت لو فى موقع تانى او حل تانى

فراشة said...

نفسى ادخل الموسيقى دى على مدونتى
عايزه حد يساعدنى بجد
بلييييييييييييز
Spanish-Guitar - Ottmar Liebert- Gypsy Kings- Jesse Cook- Strunz and Farrah - magraby - hithar
موجودة فى مواقع كتيرة جدا بس مش عارفه ادخلها

روميو ( كله في الكلتش) said...

شكرآ على شرح حضرتك القيم
واتمنى ان تزورنى

وتقول رأيك فى مدونتى

ولك جزيل الشكر

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

بنت النيـــل said...

شكرا لك على الشرح الرائع بس انا كنت عاوزة انه يشتغل اتوماتيك اول ما افتح المدونة يعني لا اضغط ع الزر عشان يشتغل ممكن نعرف الطريقة

Mohammed said...

thank you for very sweet information
http://24mix.blogspot.com/